SHILLONG: Meghalaya a·dokni Adhoc Upper Primary skulrango skigiparangni dabiani gita, a·doko donggipa dam 844 adhoc UP skulrangko deficit-ni gadangona ra·dona gita sorkari jechakengani gimin Meghalaya Upper Primary School Teachers Association (MUPSTA) central body-ni gita, re·baenggipa December-ni 17 tariko, Shillong songjinmani Governor’s House-ni sambao donggipa All India Radio Road-o sit-in-demonstration ba tom·tomao asonge jingjengatna manchiangaha.
“Meghalaya a·doko donggipa dam 844 adhoc UP skulrangko deficit-ona ra·doatchina chingni dabianiko sorkari knachakna gisiko nangjaengani gimin chingni suk ong·gijaniko mesokna gita chinga ia jingjengataniko dakna tik ka·aha,” ine Robibar salo, MUPSTA central body-ni organising secretary EG War parakataha.
MUPSTA-ni parakatani gitade, a·doko donggipa pilak adhoc UP skulrangkon ra·dona gita 2018 bilsio skigiparangni conference-ko West Garo Hills a·jani Asanang-o ong·atani somoion a·dokni Chief Minister Conrad Sangma, ku·rachakahachim indiba ua an·tangni ku·rachakako da·onan chu·sokatchipkujaengachim.
“Meghalaya a·dokni Chief Minister aro sorkari, chingni nangnikani gita adhoc UP skulrangko ra·dona gisik nangtaljaengani gimin chinga sorkarini kosako asonge jingjengatna tik ka·aha,” ine MUPSTA-ni organising aro publicity secretary parakatenba, a·dok gimikni adhoc UP skulrango skigiparangkon ia biapona re·ange jingjengatanio bak ra·echina gita didiataha.
 |
ReplyForward
|
