SHILLONG: Pa Togan Nengminja Sangma-ni janggi tanganiko daksninge songsalna jakkaltogiparang ong·china gita re·anggipa Sonibar salo, Meghalaya a·dokni Cabinet Minister James Sangma, chadamberangko didiangaha.
Pa Togan Sangma-ni chang 149-gipa siani salko Synod College-o maniani somoio Sangma, chadamberangna didiani kattarangko aganangaha. Ia tom·anio ua college-o Pa Togan Nengminja-ni bimangko sale tarigipa noksakoba oprake on·angjolaha.
Pa Togan Nengminja-ni bimangko sale tarianiara Garo Hills-o jakgitelanina krengdilanggipa manderangoni saksako mande ra·ani chin gita ong·aha ineba Sangma aganaha.
“A·songni jakgitelanina Pa Togan Nengminja-ni an·tangko on·kanganina da·alo an·ching mande ra·pilskaaniko dakenga,” ine Sangma aganaha.
Ia tom·anio Pa Togan Nengminja-ni bimangko salgipa Benedict Skhemlang Hynniewta-ba dongpae jinmana aganprakangengon, Pa Togan Nengminja Sangma-ni noksa gnang see rakkiani dongjani a·selo uni noksako salaniara namen rakbegipa kam ong·aha ine parakataha.
“Gipin cholrangko sandie aro skango uni noksako salanirangko niesa anga ia noksako salna nangaha. Iarango pangchake anga gital dake taritaina nangaha. Angni noksa salanio 20 percent-mangni gitasan cholrangko sandie man·ani ong·aiaha indiba 80 percent-de anga an·tangni chanchianiko salanisan ong·aiaha,” ine Hynniewta aganaha.
Ia noksako matchotatna gita ua jagni somoiko nangaha ineba ua aganaha.
Da·o ua U Kiang Nangbah-ni noksakoba tarienga aro ia noksako December 30 tariko Synod College-o oprake on·na sienga.
Pa Togan Sangma-ni chang 149-gipa siani salko Synod College-o maniani somoio Sangma, chadamberangna didiani kattarangko aganangaha. Ia tom·anio ua college-o Pa Togan Nengminja-ni bimangko sale tarigipa noksakoba oprake on·angjolaha.
Pa Togan Nengminja-ni bimangko sale tarianiara Garo Hills-o jakgitelanina krengdilanggipa manderangoni saksako mande ra·ani chin gita ong·aha ineba Sangma aganaha.
“A·songni jakgitelanina Pa Togan Nengminja-ni an·tangko on·kanganina da·alo an·ching mande ra·pilskaaniko dakenga,” ine Sangma aganaha.
Ia tom·anio Pa Togan Nengminja-ni bimangko salgipa Benedict Skhemlang Hynniewta-ba dongpae jinmana aganprakangengon, Pa Togan Nengminja Sangma-ni noksa gnang see rakkiani dongjani a·selo uni noksako salaniara namen rakbegipa kam ong·aha ine parakataha.
“Gipin cholrangko sandie aro skango uni noksako salanirangko niesa anga ia noksako salna nangaha. Iarango pangchake anga gital dake taritaina nangaha. Angni noksa salanio 20 percent-mangni gitasan cholrangko sandie man·ani ong·aiaha indiba 80 percent-de anga an·tangni chanchianiko salanisan ong·aiaha,” ine Hynniewta aganaha.
Ia noksako matchotatna gita ua jagni somoiko nangaha ineba ua aganaha.
Da·o ua U Kiang Nangbah-ni noksakoba tarienga aro ia noksako December 30 tariko Synod College-o oprake on·na sienga.