SHILLONG: Bangladesh-ni Jakgitelani bilsi 50 gapaniko aro 1971 Bangladesh Liberation War-o BSF-ni on·gilpaaniko gisik ra·atna gita BSF dingtang dingtang progamrangko ong·atenga.
Jakgitelaniko gisik ra·ataniko orto gnangatna gita BSF, mingsa “Joint Cultural Programme”-ko Bangladesh baksa Sombaro Meghalaya Frontier-ni ning·ogipa ICP Dawk-o ong·atangaha.
Jakgitlena dakgrikgipa a·song damgnini Mukti Yodha-rangko gisik ra·na aroba a·song damgnini gisepo bakrime kam ka·anirangko bilakbatatna gita pilak programrangkon nangrime ong·atenga.
Ia programo, jakgitelna dakgrikgipa India aro Bangladesh-ni matgrikrangko mandera·aniko dakangaha aro matgrikrang, dakgrikani somoio uamangni cha·totbagimin kamrangko, tom·anio bakko ra·gipa sak 500 mang a·song damgnini manderangna parakangaha ine BSF-ni a·gipi official-rang aganaha.
Indake, iandakgipa programrangko sima ario ong·atanichi, A·song damgnini sima ario donggipa manderangni meli-nangrime donganikoba bilakbatatgen ine BSF official-rang aganaha.
B’desh-ni jakgitelani bilsi 50 gapaniko gisik ra·na cultural prog-ko ong·ata
Date:
Share post:
