AMPATI: Re·baenggipa December-ni 15 aro 16 tarikrango South West Garo Hills a·jani dingtang dingtang biaprango aro mongsongbate seokgimin polling station-rango COVID-19-ni tikako election-ni bewalo su·anggen ine kobor on·aha.
Je manderangan COVID-19 tikako su·e ra·kujaengachim aro jemangan tikani gnigipa pongko su·ani ong·engahachim, uandakgipa manderangko janapgimin tarikrango an·tangtangni sepangbatgipa polling station-ona re·ange tikako su·e ra·china gita SWGH a·jani District Administration mol·molataha.
South West Garo Hills a·jao COVID-19-ni tikarangko tom·tome aro chu·sokgipa ong·e matchotatna man·na gita a·jao songdongenggipa pilak manderangkoba joltangtango tika su·gipa dolrangna nanga dakchakanirangko aro bakrimaniko on·china gitaba District Administration mol·molataha.
