TURA: North Garo Hills a·jao Bajengdoba-oni Rakman Ch Marak-ko United Democratic Party (UDP)-ni gital district president songaha ine kobor on·aha.
Koborko on·ani gitade, adita salrangna skang, North Garo Hills a·jao UDP-ni annual general council-ko ong·atanio UDP-ni gital district president-ko seokangaha aro uni ja·man gital office bearer-rangkoba seokangaha.
North Garo Hills a·jao UDP-ko dilna gita seokako man·gipa gital dilgiparangara, district advisor-na Beninstand G Momin, district president-na Rakman Ch Marak, vice president-na Elberth Marak aro Baldap Sangma, secretary-na Nycil G Momin, joint secretary-na Tengsrang G Momin aro Hareshwar Rabha, treasurer-na Heroine G Momin, auditor-na Arjun D Shira aro Bogat G Momin ong·a.