TURA: Adita salrangna skang, Central Agricultural University (CAU)-ni ning·o donggipa East Garo Hills a·jani Krishi Vigyan Kendra (KVK)-ni gita Zero Budget Natural Farming (ZBNF) program-ko East Garo Hills a·jani Rongjeng Block-ni ning·o donggipa Durugre Milawe songo ong·atangaha.
Gujarat a·dokni Anand-o Natural Farming ba ong·telaigipa a·salrangchi gama ge·ani bidingo National Conclave-ko ong·atanio a·songni Prime Minister Narendra Modi-ni video conference gita a·song gimikni game ge·e cha·giparangna aganprakataniko mesokna gita ia program-ko ong·atjolaha.
Ia program-ko ong·atanio Subject Matter Specialist (Agronomy) Dr Yanglem Sofia Devi, East Garo Hills KVK-ni Se Scientist aro Head Dr Brijendra Singh Rawat aro NABARD-ni DDM Dr K Sobita Devi, ong·telaigipa a·salrangchi gama ge·ani bidingo game ge·e cha·giparangna agan-talatanirangko on·angaha.
Ia program-ko ong·atanio Gujarat a·dokoni Prime Minister Narendra Modi-ni aganprakatgipa video-koba game ge·e cha·giparangna live mesokangaha.
