SHILLONG: All India Trinamool Congress-Meghalaya-ni parliamentary party dilgipa Mukul Sangma, AITC-ko gipin political party-rang Bangla party ine aganako namnikjae jeatengon, “political party-ni dilgiparang je party-ni gimin aganengon siksamke agana nanga, je party-koba Bengali party, Khasi party, Garo party ba Hindu party ine agananiara kraa ong·ja, ine aganataha.
“Bilsi 1885-o INC-ni skanggipa president sawa ong·achim, iako niate nibo. Uan WC Bonnerjee ong·achim, ua somoio saoba INC-ko Bengali party ine agana dongachimma. Pilakan freedom movement-o bak ra·paaha aro an·ching chu·sokaniko man·aha. Jakgittel man·a skang Meghalaya-ni manderang meli-nangrime dongtokachim aro a·dokni bang·a dilgiparangan Bangladesh-ona poraina gita re·angaha, ine Sangma aganaha.
India-ni dingtang dingtang manderang apsan ong·e meligrike dongachisa bilakgipa a·song ong·a. Niatgenchimode Meghalaya-o Khasi, Jaintia aro Garo jatrang apsan ong·e meligrike janggi tanggiparang ong·a aro meligrikachi a·dokko rika aro a·songko namdapatna ba tang·doatanio on·gilpaa.
Indake ong·engon AITC-ko Garo Hills aro Khasi Hills ba gipin bakrango maidake ra·chakengani gimin sing·anina aganchakengon, “a·doko dingtang dingtang ong·enggipa obostarang bang·bea indiba party apalbatroroengani gimin uarang ia somoio nikna man·jaenga. Bang·a dilgiparangan AITC baksa bakrimna chanchie dongenga, ineba Mukul Sangma aganaha.
