SHILLONG: Krismas manina sorkarini on·gipa COVID-ni SOP-ko Chief Minister-ni Chief Advisor aro gitcham Health Minister AL Hek, namnikgijako parakatenba sorkariko election-ni somoiode SOP dongja indiba maniani salrangnasan protocol-ko on·a ine matnangataha.
“Chinga politician ong·e, election-ni somoio protocol ba niamrangko baditan pe·a. Krismasni somoio giljarangko kuliatani palo maina sorkari protocol-ko on·skaenga? ine Hek aganaha.
“Covid-ni somoion election-ko ong·atna man·ode, Krismas carol-ko maina ka·angna man·jawa, ine Hek sing·ataha.
Sorkarini mni Sukrobar salo on·gipa Standard operating procedure ba SOP-ni gita, Krismas aro bilsi gitalni somoio watjatchi somoio gilja ka·na man·jawa.
Covid sabisi giproroako champengna olakiram noko 75 percent-na manderang batna man·jawa. Krismasn carol aro gile jinma cha·anio protocol-rangko ja·rikchina ge·etaha.
December 24 aro 25 tarik aro December 31 tariko Night curfew dongjawa, jedakode bebera·giparang neng·nika gri midnight service-o bak ra·na man·gen.
