SHILLONG: Meghalaya a·doko Armed Forces (Special Powers) Act (AFSPA) dongjahani gimin salgro salaramni gipin a·dokrangoniko AFSPA-ko ra·galchina gita Meghalaya Legislative Assembly-o resolution-ko pass ka·na man·jawa ine a·dokni Chief Minister Conrad Sangma parakataha.
Salgro salaram a·dokrango aro mongsongbate Nagaland a·doko ra·gatgipa AFSPA-ko ra·galpilchina gita adita salrangna skangsan Nagaland Assembly-o resolution-ko pass ka·angahachim ine nikna man·a.
2018 bilsio Meghalaya a·doko MDA sorkariko rikani ja·manon AFSPA-ko ra·galpilahachim ine janapatengon, ua saksa a·songo songdonggipa mande ong·e salgro salaramni gipin a·dokrangonikoba AFSPA-ko ra·galchina nangnikpaenga ine Sangma parakatskaaha.
“Meghalaya a·dokode AFSPA dongjahani gimin gipin a·dokrangoniko AFSPA-ko ra·galchina gitade Assembly-o resolution-ko pass ka·skana man·jawa,” ine Chief Minister aganaha.
Ia December jani a·bachengachibara Nagaland a·doko dosgri manderangko sipai dolrangni so·ote galani ja·man salgro salaram a·dokrangoniko AFSPA-ko ra·galchina gita a·dokni Chief Minister Conrad Sangma-ba dabiangahachim ine nikna man·a.
