TURA: Krismasko maniani somoio Meghalaya Cooperative Apex Bank (MCAB) Tura Branch-ni gita dingtangmancha kangal cholgrirangna kombolrangko suale on·angaha.
Kangal cholgrirangna kombol suale on·aniko Apex Bank-ni branch manager Barding N Marak dilangaha aro uamang, Tura jillani ning·o donggipa dingtang dingtang biaprangoni me·chik saksni aro me·asa sakgittamna kombolrangko sualangaha.
MCAB Tura branch-ni suale on·anggipa kombolrangko man·rikgipa manderangara, Tura jillani ning·o donggipa Araimile, Reserve Gittim, Kamepara, Tura Bazar, Dobasipara, Akonggre aro Kombe Gittim-oni ong·a.
