SHILLONG: State Planning Board-ni gitcham chairman Lambor Malngiang-ni biapo Rajabala constituency-ni MLA Abdus Saleh-ko a·dok sorkari, gital chairman songskaaha.
Koborko on·ani gitade, State Planning Board-ni gitcham chairman Lambor Malngiang-ko a·dok sorkari, Chief Minister-ni adviser songenba, State Planning Board-ni chairman-na Rajabala-ni MLA Abdus Saleh-ko songskaaha.
Meghalaya a·doko state planning board-ni gita maming kamrangko ka·jaenga ine adita salrangna skangsan, NCP-ni state president aro State Programme Implementation & Monitoring Committee-ni chairman Saleng Sangma matnangatenba, a·doko planning board-ko donani gimin sorkariko sing·doangahachim.
A·doko state planning board, maming kamrangko ka·jaenga ong·ode ia board-ko bon·atsrangon nambatgen ineba Sangma aganahachim.
