U·IATTIMGIPAONI
SHILLONG: Robibar saloni Sombar salona konta 24-ni gisepo Meghalaya a·dok gimiko sak 2 manderang COVID-19 man·daptaiaha indiba ia konta 24-ni gisepo a·dok gimikon COVID man·e sigiparang dongtaijaha.
Konta 24-ni gisepo COVID-19 man·dapgipa sak 2 manderangko channe da·o Meghalaya a·dok gimiko COVID-19 man·e dongenggiparang gimik sak 73 gapengaha.
Konta 24-ni gisepo COVID man·gipa sak 2 manderangoni saksade East Jaintia Hills-o aro saksade East Khasi Hills a·jao ong·a.
Ia apsan salon gimik sak 4 manderang Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 83,292 gapskaengaha.
Da·o dipet Meghalaya a·doko COVID-19 man·e sianggiparang gimik 1484 gapengaha.
