Sunday, August 31, 2025
spot_img

M’laya a·dok gita re·ruraenggiparangna sorkari niamko donata

Date:

Share post:

spot_imgspot_img

 

 

SHILLONG: India a·songni bang·bata biaprangon COVID-19-ni gital Omicron rokom giproroengahani gimin Meghalaya a·dokoba ia kenbegnigipa sabisiko warachakna gita a·dok sorkari, a·doko aro aro a·dok gita re·ruraenggipa manderangna niamrangko donataha.

A·dokni Chief Secretary Rebecca Suchiang-ni u·iatani gitade, Meghalaya a·dokona re·baenggipa manderang, tika ponggniko su·an baksana konta 72-ni gisepo porikka ra·e negative ong·ani report-rangko mesokna nangengoba aro report-rangko mesokna man·gijagipa manderangde entry point-rango porikkarangko ra·e nina nangengoba Meghalaya a·dok gita gipin a·dokoni gipin a·dokona re·ruraenggipa manderang, a·doko neng·takjagenchimode porikkako ra·na gita nangjawa.

Gipin a·dokrangoniko Meghalaya a·dokona ma·manti bosturangko salbaenggipa manderangba Covid-na porikkarangko ra·na nangjawa indiba bosturangko salbaengon, je biapona miksonge salbaengachim, ua biaponasan uamang re·rurana man·aigen. Bosturangko salbaenggipa garini driver-rang pilakan tika su·gimin ong·skana nanggen aro iako a·jatangtangni deputy commissioner-rang nirokanggen ineba Chief Secretary u·iataha.

Sorkari office-rango, bank-rango, private office-rango ba uandakgipa dingtang dingtang office-rango kam ka·e, apsan salon a·dokni dingtang dingtang a·jarangona re·ruraenggipa manderangba tikarangko su·gimin ong·genchimode aro kamtangtangona agre gipin biaprangchi re·ruragenchimode porikkarangko ra·na nangjawa ine Chief Secretary u·iataha.

Meghalaya a·dokni manderang, Assam gita nappakna nange a·doktangni gipin a·jarangona jekai, Garo Hills-oni Assam gita Khasi ba Jaintia Hills a·jarangona re·angenggipa manderangba COVID porikkarangko ra·na nangjawa ine Chief Secretary u·iataha.

Iani bidingo a·jatangtangni deputy commissioner-rang u·iataniko on·anggen ineba Chief Secretary parakataha.

spot_imgspot_img

Related articles

UAE heat forces 30-minute delay in Asia Cup matches

Dubai, Aug 30: The start time for 18 out of the 19 matches in the upcoming Asia Cup...

Gill awaits fitness test for Asia Cup

Bengaluru, Aug 30: India Test skipper and T20 vice-captain Shubman Gill reached the BCCI Centre of Excellence here...

Oman skipper ready for maiden Asia Cup

New Delhi, Aug 30: When Oman steps out for their maiden Asia Cup game against Pakistan in Dubai...

Indian fan zones sold out: CA

Melbourne, Aug 30: Cricket Australia has announced that the dedicated Indian fan zones at all eight venues for...