Pakyong (Sikkim): (PTI) Meghalaya Chief Minister Conrad K Sangma, jean uni nokdangni manderang baksa salgittamna Sikkim-ona Mongolbaro wenangaha, greenfield Pakyong airport, Sikkimna damsa dal·begipa dakchakani ong·a ine Pa Sangma aganaha.
Airport-o onchongeani ja·mano koborni manderangna aganengon, apsan gadango ka·rimska Sikkim-ni chief minister Prem Singh Tamang, un baksa namen meligipa ong·a, a·dokni nitoaniko aro soka chakanio mingsinga man·gipa a·dokko nina gita ua ia Himalayan a·dokona wenbaha ine Pa Sangma aganaha
‘‘Chinga mikkang salgnina Sikkimni songadam biaprango donganggen,” ua gitalgipa national park aro lake-rangko nikna sikenga, CM agandapaha. Pakyong airport-na mittele aganengon, ‘‘Ian damsa aiao inmanpilgipa Airports Authority of India-ni tarigipa ong·a. Ia indakgipa airpot-o onchonge nikna gita anga namen sika. Ian Sikkimni manderangna uandake tourist-rangna namen namgni ong·aha. Anga ka·donga bang·bata NE a·dokrangonan Sikkim-ona kosak gita songreani cholrangko nangdimatgen, Chief minister aganaha.
