TURA: Bangladesh-ona badingsrukatnagipa Garo Hills-oni bang·bea ba·ra-kancharangko mija Sukrobar-o South Garo Hills-o BSF, anti smuggling operation ka·ao rim·rike ra·sekrikaha.
Meghalaya Frontier-ni ning·ogipa BOP Netri aro 55-gipa battalion BSF-ni BOP Rasnagiri-ni sipairang sima-ari a·jolrangko amsandiaha aro lak 32 tangka-paisa bata ba·ra-kancha bosturangko rim·aha.
Ra·sekrikgipa bosturangko nanga gita sing·sandianiko dakna Customs office-na pakwatataha.
