AITC-ni dilgipa Mukul Sangma-ko Opp-ni dilgipa songa

 

SHILLONG: Meghalaya a·dokni gitcham chief minister aro All India Trinamool Congress (AITC)-ni dilgipa Mukul Sangma-ko Meghalaya Legislative Assembly-o Opposition dolni dilgipa ine ra·chakangaha.

Iani bidingo u·iataniko on·angengon, “2018 bilsini March 14 tariko u·iatanio pangchake Meghalaya Legislative Assembly-ni Speaker, Mukul Sangma-ko Opposition dolni dilgipa ine ra·chakna kusi ong·aha,” ine Meghalaya Legislative Assembly-ni Commissioner & Secretary parakataha.

Re·anggipa bilsio a·dokni gitcham chief minister aro Congress dolni dilgipa Mukul Sangma-ko man·chape Congress dolni sak 12 MLA-rang, All India Trinamool Congress (AITC)-o napangskaani ja·man Assembly-o AITC dolan dal·batgipa opposition dol ong·skaahachim.

Meghalaya a·dokni Congress dolo da·o sakbonga MLA-rangsan dongskaaiahachim.

Get real time updates directly on your device, subscribe now.

Comments are closed.