NEW DELHI: Bilsi 12-oni bilsi 14 ong·gipa bi·sarangna re·baenggipa March jaoni COVID-19-ni tikako su·naba gnang ine kobor on·aha.
Health Ministry-ni report-o parakani gitade, bilsi 15-oni bilsi 18 ong·gipa chadamberangna tika su·ani da·o dipet a·song gimiko 45 percent batengaha.
Mikkango jao National Technical Advisory Group on Immunisation in India (NTAGI) COVID-19 dolni tom·aniko ong·atna siengani gimin ia tom·anio bilsi 12-oni bilsi 14 ong·gipa bi·sarangna tikarangko su·ani giminba chanchiangnaba gnang ine kobor on·timgiparang u·iataha.
Bilsi 12-oni bilsi 14 ong·gipa bi·sarangna COVID-19-ni tikarangko su·na gita Bharat Biotech-ni Covaxin aro Ahmedabad-o donggipa Zydus Cadillia-ni ZyCovD tikarangko India a·songni Drugs Controller General ra·chakmanaha ineba kobor on·timgiparang u·iataha.
Indake ong·engon, India a·song gimiko bilsi 15-oni bilsi 18 ong·gipa chadamberangoni da·o dipet sak kror 3.5-na baten COVID-ni skanggipa tikako su·manaha ine Union Health Minister Mansukh Mandaviya parakataha.
India a·songo bilsi 15-oni bilsi 18 ong·gipa chadamberangko re·anggipa January 3 tarik dipet tika su·na a·bachengahachim ine nikna man·a.
