Bilsi 25-ni gisepo M’laya a·dok India-o nambatgipa a·dokrangoni damsa ong·gen: Om Birla

 

SHILLONG: A·songo namroro silroroani aro Tourism-ko tang·doatna gita ma·mong sorkari, kamrangko ka·engahani gimin da·o mikkang bilsi 25-ni gisepode Meghalaya a·dokba India a·songo tang·dobatsranggipa a·dokrangoni damsa ong·na man·gen ine Sukrobar salo, Lok Sabha-ni Speaker Om Birla parakataha.

Birla-ni parakatani gitade, batanggimin bilsirangonin Meghalaya a·doko namroro silroroaniko ra·bana gita ma·mong sorkari kamrangko ka·engaha aro Meghalaya a·doko Tourism-ko bilakbatatna gita pilak dolrangan nangrime kamko ka·na nangenga.

“Namroro silroroani kamrangna ma·mong sorkari, chanchisamsoe kamrangko ka·enga aro da·o ia kamrangko ra·gatna a·bachengengaha. Anga bebera·a da·o re·baenggipa bilsi 25-ni gisepo India a·songni jakgitelko man·aoni bilsi 100 gapaniko maniani somoiode, Meghalaya a·dokba India a·songo dal·batsranggipa a·dokrangoni damsa ong·gen,” ine Meghalaya a·dokni bilsi 50 gapanina Lok Sabha-ni Speaker, an·tangni namgipa skaniko on·atanio parakataha.

Meghalaya a·dokni manderangna an·tangni namgipa skaniko parakatengon, ia apsan somoion India a·song gimikan a·songni jakgitelaniko man·aoni bilsi 75 gapaniko maniani bak gita Azadi Ka Amrit Mahotsav-ko manitokengani gimin ian Meghalaya a·dokna namen dingtangmanchagipa ong·aha ine Birla parakataha.

Get real time updates directly on your device, subscribe now.

Comments are closed.