TURA: Netaji Subhas Chandra Bose-ni atchiani bilsi 125 gapaniko Robibar salo Tura-oba Natya Samiti-o maniangaha aro Bose sagina mande ra·aniko dakangaha.
Tura Netaji Anniversary Celebration Committee, programme-ko ong·ataha. Jeon West Garo Hills Deputy Commissioner Ram Singh, Netaji-ni noksao pulko done mande ra·aniko a·bachengdilangaha.
Uandake tom·anio bakko ra·e aganprakatengon, chief guest Ram Singh, ‘chadamberangko Netaji-ni ja·kolko ba uni skianiko ja·rike a·songna dangdike on·china didia baksana agan-ku·pattiaha. Aro Netaji-ni a·songna an·tangko on·kange kam ka·aniko gisik ra·e aganprakataha.
Retired Colonel Saxena-ba tom·anio special guest ong·e bakko ra·enba Netaji-ni a·songna dangdike on·ani gimin aganprakangaha. Programme-ko Robibar sal pring 11 bajio ong·ataha.
Uandake Phulbari-oba Netaji-ni atchiani salko maniangaha.
