NONGSTOIN: Kynshi-o badiaba politician-ni ska-namnikatang niam gri songgipa toll gate-ko trak gari salgiparang aro koela badinggiparang so·aha aro ua a·sel ong·anio jemangan ua a·selo jak donga ua namgija dakgiparangni kosako agan-talate on·ani mamlao police mamla segataha.
Mawthadraishan-ni MLA, Brolding Nongsiej baksa meligipa dolni manderang Kynshi-o Kynshi-ni gita toll gate-ko songaha aro maming reciept ba choligipa lekkarang grian trak gari bolprako gong 1500-oni 200o dake uamang tangka ra·enga ine trak gari salgiparang aro koela ba-dinggiparang matnangaha.
Indiba 2022 January 28-o gari salgipa aro koela badinggiparang ka·o nange toll gate-o tangka gamna jechakaha unon uamang Kynshi song gita gimik trak garirangko re·na on·jaha unasa ka·o nange trak salgiparang aro koela badinggiparang toll gate-ko so·srangha indiba ua a·selo darangba saknaa man·a dongja aro ja·mano uamang tangka gamgijan uamangko watataha.
Shillong Times, songbadna aganao Maxwell B. Syiem, MPS indake aganaha Kynshi-o indakgipa niam gri toll gate songa dongja aro saoba trak gari salgiparang am·bol nokkosa so·aha aro uno Forest department-ni ge·sasan toll gate dongaia ine ua talataha.
Ua a·selo jemangan jak donga ua namgija dak-giparangni kosako talatani on·china ingipao mamlako Eastern West Khasi Hills Police mamla segataha aro ua a·selni gimin da·alona kingking darang saksakoba rim·a dongja ua aganaha.
Kynshi-o niam gri dongipa toll gate-ko trak gari salgiparang so·a
Date:
Share post:
