SHILLONG: Meghalaya a·doko niam gri koela bikotani gimin matnanganirangko man·engon, niam gri koela bikotani bidingo Central Bureau of Investigation (CBI) gita dakgipa bimangrangchi jakgitele am·sandiatchina gita Bharatiya Janata Party (BJP) dolba dabiangaha.
A·doko niam gri koela badingenga ine matnanganirangko man·engani gimin jakgitele am·sandianirangko dakatchina gita adita salrangna skangsan United Democratic Party (UDP)-ba dabiangahachim ine nikna man·a.
“A·doko koelarangko badinganio bang·en ong·gija dakanirang ong·enga ine chinga a·bachengonin aganengachim. Uni gimin niam gri koela badinganiko CBI ba uandakgipa bimangrangchi jakgitele am·sandianiko chinga nangnikenga,” ine BJP-ni state president Ernest Mawrie, kobor ra·timgiparangna aganaha.
CBI gita dakgipa bimangrangchi am·sandigenchimosa a·doko niam gri koela badinganiko champengna man·gen ineba ua aganaha.
Mawrie-ni parakatani gitade, re·anggipa bilsio pilak dolrangni tom·aniko ong·atani somoion ua a·doko niam gri koela badingani bidingo janapahachim aro ua somoio CM an·tangan uni agananiko seeba ra·rikahachim.
A·doko koela bikotaniko National Green Tribunal (NGT) nirokenga aro special investigation team-ko songaha ine sorkarini agangipa kattarangni gimin janapatengon, “Anga an·tangde NGT-ni on·gipa ge·etaniko nika dongkuja indiba CM baksa agangrikon, a·doko bikote dongipa koelarangko NGT-ni ge·etanio pangchake dakkie galani ja·man, challan gnang salrurana on·enga ine angna aganaha,” ine BJP-ni state president parakataha.
Ian NGT-ni ning·o ong·engani gimin, niam gri dakanirangko champengna gita jakgitele am·sandichina ge·etaniko on·na man·gen ineba Mawrie aganaha.
Niam gri koela badinganio official-rang aro politician-rangba jak donga ine matnanggipani bidingo janapatengon, “An·ching darangkoba skatangde matnangna man·jawa. Jakgitele am·sandianichisa ia pilakkon ma·sina man·gen,” ine Mawrie parakataha.
Get real time updates directly on your device, subscribe now.
Next Post
Comments are closed.