TURA: Garo Hills-o skanggipa Matrilineal Research Centre-ko mijal Robibar salni bako, Tura-ni Edenbari-o donggipa Harding Theological College-o a·dokni Chief Minister Conrad K Sangma-ni jakchi kulie on·angaha aro ia research centre-ko kulie on·anganio North Tura-ni MLA Thomas A Sangma, Harding Theological College-ni professor-rang aro college-ni gipin mande-rangba dongpae bak ra·angaha.
Ia research centre-ko kulie on·angani somoio a·dokni Chief Minister Conrad Sangma, jinmana aganprakengon, ia research centre-ko kulianichi A·chik jatni giminsan ong·aigija, me·chikchipakko ra·gipa dingtang dingtang jatrang-ni daka rikanikoba am·-sandina cholrangko ong·-engani gimin ian namen mongsonggipa centre ong·gen ine parakangaha.
College aro university-rangni dingtanggipa ong·-gipa ong·aniara research ka·anio ba am·sandiani-rangosa pangchakbata ineba Chief Minister aganaha.
“A·gilsak gimikon namnamgipa college aro university-rang pangnan research ka·aniko mong-songbatgipa ong·e ra·a indiba an·chingode research ka·anina gisik nang-bretokja. Ia research centre-ko kulianichi an·ching A·chikrangni giminsan ong·aigija me·chikchipakko ra·gipa jatrangni bidingo research ka·e see rakkina man·gnok,” ine Chief Minister, ia centre-ko kuliahani gimin Harding Theological College-ko mittelpile aganangaha.
Chief Minister-ni para-katani gitade, SMART Village Movement-na Megha-laya a·dok baksa bak-rimenggipa USA a·songni Berkley University-ba ia Matrilineal Research Centre-ni research ka·anirango bakrimaniko on·na kusi ong·enga.
“Re·anggipa bilsio Mangsang Soba-ona ang baksa re·angengmiting somoio Berkley-ni professor saksa, ia Matrilineal Research Centre-ko kulina siengahani gimin an·tangni kusi ong·aniko parakaha aro ua an·tangni chatro chatrirangko Garo Hills-ona watate, ia Harding Theological College-ni Matrilineal Research Centre baksa bakrimna skaniko para-kaha,” ine Chief Minister aganaha.
Jatni daka rikaniko ku·sikmangmangchi agan-ritingaigija see rakkina nangengani giminba ia tom·anio Sangma aganaha.
Garo Hills-o skanggipa Matrilineal Research Centre-ko HTC-o kulia
Date:
Share post:
