Shillong-ni Police Bazar-o boma gopreta

 

SHILLONG: Robibar attamni 6:30 bajimango, Shillong songjinmani Police Bazar (Khyndai Lad)-o boma gopretaha.

Ia boma, Police Bazar-ni Delhi Mistan Bhandar sambao gopretaha aro bakan police-rang ua biapona re·ange, boma gopretgipa biapko kaduule donataha.

Ia biapo gopretgipa boma Improvised Explosive Device (IED) ong·na nanga ine police-rang chanchichipenga.

Boma gopretani ja·mano Bomb Squad-ni official-rang ua biapona sokange, ia a·selni bidingo am·sandianirangko dakna a·bachengaha ine kobor on·aha.

Police Bazar-o dokkan dakgipa manderangni u·iatani gitade, ua somoio manderang koros ka·tokengachim aro boma gopreton, manderang ua biaponi katchichana a·bachengtokaha. Indake ong·genchimoba boma gopretanio darangba saknaanirangko man·jaha ine kobor on·aha.

Boma gopretanio sambao donggipa dokkanrang aro garirang adita nosto ong·atako man·tokaha.

Indake ong·engon, ia boma gopretaniko sorkarini champengatgipa bobil dol, Hynniewtrep National Liberation Council (HNLC) a·kangatskaaha.

Get real time updates directly on your device, subscribe now.

Comments are closed.