SHILLONG: Gipin party-rangoni sakbri-sakbonga siting legislator-rang ching baksa bakrimna senge dongenga, mikkangchi political-o namen dingtanganiko nikna man·gen ine a·dok BJP changsatai parakataha.
“Mitam MLA-rang chingni party-ona re·bana agantokaha, indiba uamangni bimingko da·o parakatkujawa. Election-na jadok skang, politics-o namen dingtanganiko nikna man·gen ine BJP chief Ernest Mawrie aganaha.
Uandake badia party-ni aro badita sak MLA-rang BJP-ona re·banagiparang dongani gimin sing·on Mawrie, “sakbri ba sakbongade donga, indiba uamang badia party-oni ong·a, iako parakatkujawa,” ine aganchakaha.
‘A·doko BJP, namen kam ka·enga, batanggimin election-oba beben chinga ge·gni seat-kosan man·aha indiba bang·a constituency-rangon gnigpa aro gittamgipa biapko man·aha, ineba aganataha.
Indake ong·engon All India Trinamool Congress (AITC) Meghalaya president Charles Pyngrope-ni BJP-ko matnangani aganchakatengon Mawrie indine aganaha, “AITC local party ong·a indiba chingade national party ong·a gimikon donga. Uamang chingni party baksa maming tosusani dongja.”
Get real time updates directly on your device, subscribe now.
Next Post
Comments are closed.