TURA: Tura-o Punjab National Bank (PNB)-ni skanggipa branch office-ko mijal Robibar salo, Meghalaya a·dokni Chief Minister Conrad K Sangma-ni jakchi kulie on·angaha.
Punjab National Bank-ni branch office-ko kulie on·angani somoio Tura-ni sakgni bading chiwalgiparangna loan ra·ani sanction letter-rangkoba Chief Minister aro bank-ni official-rang on·angjolaha.
Ia PNB-ni skanggipa branch office-ko kulie on·anganio a·dokni Chief Minister, jinmana aganprakangengon, ia gital bank-ko kulianichi bank-ni kamrangko manderangona sepangbatatna man·gnok aro mongsongbate tangka paisani gita dakchaka-nirangko nangenggipa manderangna dakchaka-nirangko on·na man·gnok ine an·tangni ka·dong-chakenganiko parakanga-ha. PNB-ni branch-rangko Garo Hills-ni gipin biaprangoba aro mong-songbate songadam noka-damrangoba kulianggen ineba Chief Minister parakataha.
Get real time updates directly on your device, subscribe now.
Comments are closed.