TURA: Cooperative Society-ko bikote songsalni namgnina kamrangko ka·engani gimin re·anggipa Sombar salo, Tikrikilla-ni Muktidata Multipurpose Cooperative Society-na North East Regional Cooperative Excellence & Merit Award-ko Guwahati songjinmao donggipa NCDC Regional Office-o on·aha.
Award-ko NCDC-ni Regional Director Sebastian Joseph aro Meghalaya Cooperative Societies-ni Deputy Registrar TM Kharsyntiew-ni jakchi on·angaha aro award-ko on·anio West Garo Hills Cooperative Societies-ni Assistant Registrar KP Choudhary-ba dongpaaha.
Muktidata Multipurpose Cooperative Society-ni pal, award-ko ia cooperative society-ni managing director Fr Benoy Joseph, chairman Wilna Marak aro secretary Nelco Sangma ra·chakeskaaha.
