TURA: Rama sorokrango bang·a bang·ja tyre-rangko so·e galana agrede, salgnina ong·atgipa non cooperation movement (NCM), skanggipa salo namen tom·tome matcho-tangaha. Indake ong·-engon, dingtanggrikaniara, uan jingjengatani somoio office-ona re·batokna nanggen ine order on·gimin dongani gimin, sorkari office-rango employee-rang ong·rongbewal gitan soktokaha.
Police-ni koborrango gita, jingjengataniko a·bachengna skang tyre-rangko so·aha indiba uarangko ramarangoniko bakan ra·galataha.
The 2 day protest has been called against the appointment of Rakesh Sangma-ko Garo Hills Autonomous District Council (GHADC)-ni CEM songani gimin jegale, GSU, FKJGP, ADE, AYWO, FAF, NTDF, TSCF, GGU, NESO aro NGEA ddolrangko man·-chape dingtang dingtang NGO-rang salgnina jing-jengatenga. Ua A·chik-mancha ong·ja ine mat-nangenba NGO-rang, uko uni post-oniko ra·on-galchina dabiaha. Rakesh, unskang GHADC-ni Chairman ong·achim, jean ua post-ko watani ja·mano, gitcham CEM, Benedic Marak-ni kosako susaenba CEM-ni post-ko cheaha.
Tura jilao salgimikan gari gorarangni re·anirango nikna man·genchimoba NGO-rangni NCM-ko ong·atani somoio GH-ni district dam bonga gimikon manderang bang·batan ong·katgija dongtokaha. Indake bang·bata biap-rangon chel·chakgiparang dolni manderangkosa nikbatna man·aha.
West Garo Hills (WGH) district-o, sorkari office-rango 60-70 percent mangni gita employee-rang kamona re·batokaha, unomitingo gipin district-rangoba apsandake ong·aha ine koborrangko man·aha. Indake ong·genchimoba dokkanrang aro bading-chiwalanirang pilakan chu·gimikan NCM-ko dakani somoio chiptokaha indakoba attam 5 bajini ja·man apsan ong·taiilaha.
Deputy commissioner, FM Doph-ni parakatani gitade South Garo Hills (SGH)-ode jingjengataniko dakarangni maming a·sel grian tom·tome matchotaha aro office re·batokchina administration order on·manahani gimin sorkari office-rango employee-rang kraa gita dongtokaha.
Apsandake East Garo Hills-oba maming a·sel grian NCM tom·tome matchotangaha aro sorkari office-rango employee-rang 100 percent-an dongtoka ine DC, Swapnil Tembe parakataha. Uno-mitingo North aro South West Garo Hills-rangoba maming a·selgrian matcho-tangaha aro office-rangoba ong·rongbewal gitan emlpoyee-rang soktokaha.
