Shillong: Ia bilsi 2022 January ja 26 tariko New Delhi-o Republic Day -ko maniao Meghalaya-ba dam 12 a·dok/UT-rang baksa Republic Day parade-o bak ra·paha. Meghalaya-ni bilsi 50 gapaniko gisik ra·e aro me·chikrangni dilenggipa cooperative societies & SHGs-ko mande ra·e tarigipa tableau, Third Prize ba gittamgipa prize-ko cheaha.
India sorkarini Defence Ministry, Sukrobar salo ia koborko parakataha. Uttar Pradesh-ni tableau, Republic Day Parade 2022-o nambatgipa tableau ine parakatako man·skaha. UP, ‘One District One Product and Kashi Vishwanath Dham’ theme-o tableau-ko tariaha. Indake Karnataka, ‘Cradle of Traditional Handicrafts’ theme-ko tarie gnigipa biapko man·skaha. Education aro Civil Aviation Ministry, gipin ministry-rangoni joint winner ba chegipa ong·aha. Aro Posts Department, online voting-o skanggipa biapko man·aha.
Iarangni gisepon ian skanggipa changna MyGov platform gita jinma manderangko nambatgipa marching contingent aro nambatgipa tableaux-ko basena online voting-ko ong·ataha. January 25-oni 31 tarik 2022-o online poll-ko ong·ataha. Jeon Maharashtra, popular choice category-o gipin a·dok/UT-rangoni nambatgipa tableau ine seoka man·aha. Maharashtra-ni tableau-ko ‘Biodiversity and State Bio-symbols of Maharashtra’ theme-o tariaha.
Meghalaya a·dokni tableau-ko tarianio Meghalaya sorkarini Directorate of Information and Public Relation, ja·ku de·aha.
Get real time updates directly on your device, subscribe now.
Next Post
Comments are closed.