SHILLONG: District NCD Cell, District Medical & Health Officer, NPCDCS East Khasi Hills-ni office-ni gita, State Cancer Society & Pomlum PHC baksa bakrimenba mijalo World Cancer Day-ko Pomlum PHC-o maniangaha. Dr S S Nongbri, Additional DHS cum State Nodal Officer (NPCDCS & HWC) Meghalaya, mongsonggipa sokgipa ong·e programo bakko ra·aha.
Tom·anio jinmana aganprakengon, Cancer sabisiara maia aro uko seng·gnange rim·a man·enba seng·gnange sangenchimode an·sengpilna ama ine manderangna ma·siate on·na gita ia World Cancer Day-ko maniani mongsonggipa miksonganide ong·a ine Dr Nongbri. Ua indakeba aganaha je Cancer sabisian, Meghalayao bongagipa mande siatbatgipa ong·enga, unigimin a·doko cancer sabisiko man·giparang bang·baroroengani gimin manderang uamangni janggi tangani aro cha·a ringani bewalrangko dingtangatna nangenga ine uni nangnikaniko aganaha.
Program ong·atani somoio, Pomlum PHC-ni Dental Surgeon Dr Z Tariang, “Oral Cancer” ba ku·siko cancer man·ani bidingo talataniko on·angaha, uandake Dr A Mawlong, In-charge Oncology Department, Civil Hospital, Shillong gipin rokomni cancer-ni bidingo aganangskaaha.
Program ong·ani somoio World Cancer Day-ni bidingo College of Nursing, NEIGRIHMS, Shillong-ni chatro chatrirang dakmesokangaha. (MIPR)