TURA: Adita salrangna skang, West Garo Hills a·jani Jengjal jolrango game ge·e cha·enggipa manderangna Agri Entrepreneurs Development program-ni bidingo salsani workshop-ko ong·atangaha.
Ia workshop ba training program-ko Tura-o donggipa P-4 Unit, MESSO, CSB-ni in-charge aro Scientist-B Dr K Indirakumar-ni dilanichi ong·atangaha aro ia program-o NEHU Tura Campus-ni Pro-Vice Chancellor Dr G Singaiah, NEHU Incubation Centre-ni Nodal Officer Dr R Sasikumar, State Sericulture department-ni Farm Supervisor Nollingstone Sangma, P-4 Unit, MESSO, CSB-ni Field Assistant SB Devi aro gipinrangba dongpae bak ra·angaha.
Ia program-ko ong·atanio P-4 Unit, MESSO, CSB-ni in-charge aro Scientist-B Dr K Indirakumar, jinmana aganprakengon, sajinmani a·sel noksan ong·atako man·enggipa muga gamgiparangna dakchakanirangko on·na gita pilak nangchongmota bosturangko suale on·anggen ine parakangaha.
Ia program-ko ong·atanio NEHU Tura campus-ni Pro-Vice Chancellor D G Singaiah, mongsonggipa sokgipa ong·e jinmana aganprakangskaengon, an·tangtangni janggi tangani gadangko nambatatna gita kamrangko nambate ka·china muga farmer-rangko didiangenba, NEHU-ni gitaba uamangna pilak nanga dakchakanirangko on·gen ine ku·rachakaniko on·angaha.
