SHILLONG: Shillong songjinmani Laitumkhrah Municipal Market-ko gital dake taridapna gita Budbar salo, a·dokni Urban Affairs Minister Sniawbhalang Dhar-ni jakchi pangchakaniko songe on·angaha.
Ia Laitumkhrah Municipal Market-ko taridapna gita gong kror 28-na baten tangka paisarangko Shillong Smart City project-ni ning·o chamaha aro ia market-ko Shillong Municipal Board, jako ra·e rike on·anggen.
Kamrangko re·anggipa 2021 bilsini September 22 tarikon a·bachengataha aro ia market-ko ja 24-ni gisepon matchotna gita ka·dongenga.
Ia Laitumkhrah Municipal Market-na pangchakaniko songe on·anio joltangni MLA Ampareen Lyngdoh-ba dongpae bak ra·angengon, ia Laitumkhrah Municipal Market-ko gital dake taridapaniara ia constituency-ni manderangna gital ka·donganiko a·bachengatani gita ong·enga ine parakangaha.
