Tuesday, July 8, 2025
spot_img

Malchapara, Salbari-ni A·chikrang M’laya-ni bak ong·pana nangnikenga: GSU

Date:

Share post:

spot_imgspot_img

 

GUWAHATI: Assam aro Meghalaya a·dokni simarango meligrikna man·jaenggipa biaprangoni Hahim jolo donggipa Malchapara aro Salbari songni A·chikrangde Meghalaya a·dokni bak ong·pana nangniktokenganiko parakataha.

Garo Students Union (GSU) Assam state zone-oni u·iatani gitade, ‘Hahim, Chutia Bazar, Salbari aro Malchapara songrango donggipa A·chikrangde Assam a·dokon dongna nangniktokenga’ ine adita salrangna skang, songni manderang baksa agangrikani ja·man GSU Assam state zone-ni chief advisor Tharsush K Sangma-ni songbad setimgiparangna parakatani ja·man Malchapara aro Salbari songo donggipa A·chikrangde suk ong·gijaniko parakatskaaha.

“Hahim jolo donggipa Malchapara aro Salbari songrango donggipa mitam A·chikrangde Assam a·doko dongna nangniktokjae Meghalaya a·doko bak ong·pana nangnikaniko paraktokskaaha,” ine GSU Assam state zone-ni dilgiparang parakataha.

Iani bidingo talbate ma·sie ra·na gita dingtangmancha tom·aniko Robibar salo, Salbari LP School-o ong·atangaha aro ia tom·anio GSU aro Garo Development Council (GDC)-ni dilgiparangba dongpae bak ra·angaha ine kobor on·aha.

Ia tom·anio Malchapara aro Salbari songni manderang, GSU Assam state zone-ni chief advisor-ko uni skang parakatgimin kattarangko ra·pilchina diditokaha aro uaba ia songrango donggipa A·chikrangni nangnikani gita uni parakatgimin kattarangko ra·pilna tik ka·angaha.

“Chinga (GSU) uamangni Meghalaya a·doko bak ong·pana nangnikenganiko jegalenga ong·ja aro uamang an·tangtangni nangnikanirangko parakna bil donga ineba songni manderangna talate on·aha,” ine tom·a matchotani ja·mano GSU Assam state zone-ni chief advisor Tharsush K Sangma, kobor ra·timgiparangna parakataha.

Ia tom·anio GSU Assam state zone-ni advisor baksana GSU (ASZ)-ni president Foldin Marak, general secretary Kronel Sangma, gipin dilgiparang, songni dilgiparang, mondolini dilgiparang, ma·giparang, chadamberang aro gipinrangba dongpae bak ra·angahachim.

Re·anggipa February-ni 6 aro 8 tarikrangosan, GSU-ASZ aro AASU baksana gipin dolgittamni dilgiparang, Assam aro Meghalaya a·dokni simarango meligrikna man·jaenggipa biaprangoni Hahim, Gizang, Boklapara aro Khanapara-Pillangkata jolrangona re·ange, songni manderang baksa agangrikeahachim.

A·dok damgnini simarango meligrikna man·jaenggipa dam 12 biaprangoni damdok jolrangkode a·dok damgnian agangrike namatna gita ja·kurangko de·engahachim ine nikna man·a.

spot_imgspot_img

Related articles

Train rams into TN school van: Two students die, railway gatekeeper suspended

Chennai, July 8: In the wake of a tragic accident involving a school van and a speeding train...

MNS leader’s son arrested for ramming car, abusing woman influencer

Mumbai, July 8: A fresh political controversy has erupted in Maharashtra after Raheel Sheikh, son of Maharashtra Navnirman...

Sabalenka powers into QF with easy victory over Mertens

London, July 7: With her signature ferocity and steely focus, Aryna Sabalenka stormed into the quarter-finals of Wimbledon...

Israel, Houthis trade fire in escalating conflict

DUBAI, July 7: Israel launched airstrikes early Monday targeting Houthi-held ports and facilities in Yemen following an attack...