Tuesday, March 18, 2025

Malchapara, Salbari-ni A·chikrang M’laya-ni bak ong·pana nangnikenga: GSU

Date:

Share post:

spot_img

 

GUWAHATI: Assam aro Meghalaya a·dokni simarango meligrikna man·jaenggipa biaprangoni Hahim jolo donggipa Malchapara aro Salbari songni A·chikrangde Meghalaya a·dokni bak ong·pana nangniktokenganiko parakataha.

Garo Students Union (GSU) Assam state zone-oni u·iatani gitade, ‘Hahim, Chutia Bazar, Salbari aro Malchapara songrango donggipa A·chikrangde Assam a·dokon dongna nangniktokenga’ ine adita salrangna skang, songni manderang baksa agangrikani ja·man GSU Assam state zone-ni chief advisor Tharsush K Sangma-ni songbad setimgiparangna parakatani ja·man Malchapara aro Salbari songo donggipa A·chikrangde suk ong·gijaniko parakatskaaha.

“Hahim jolo donggipa Malchapara aro Salbari songrango donggipa mitam A·chikrangde Assam a·doko dongna nangniktokjae Meghalaya a·doko bak ong·pana nangnikaniko paraktokskaaha,” ine GSU Assam state zone-ni dilgiparang parakataha.

Iani bidingo talbate ma·sie ra·na gita dingtangmancha tom·aniko Robibar salo, Salbari LP School-o ong·atangaha aro ia tom·anio GSU aro Garo Development Council (GDC)-ni dilgiparangba dongpae bak ra·angaha ine kobor on·aha.

Ia tom·anio Malchapara aro Salbari songni manderang, GSU Assam state zone-ni chief advisor-ko uni skang parakatgimin kattarangko ra·pilchina diditokaha aro uaba ia songrango donggipa A·chikrangni nangnikani gita uni parakatgimin kattarangko ra·pilna tik ka·angaha.

“Chinga (GSU) uamangni Meghalaya a·doko bak ong·pana nangnikenganiko jegalenga ong·ja aro uamang an·tangtangni nangnikanirangko parakna bil donga ineba songni manderangna talate on·aha,” ine tom·a matchotani ja·mano GSU Assam state zone-ni chief advisor Tharsush K Sangma, kobor ra·timgiparangna parakataha.

Ia tom·anio GSU Assam state zone-ni advisor baksana GSU (ASZ)-ni president Foldin Marak, general secretary Kronel Sangma, gipin dilgiparang, songni dilgiparang, mondolini dilgiparang, ma·giparang, chadamberang aro gipinrangba dongpae bak ra·angahachim.

Re·anggipa February-ni 6 aro 8 tarikrangosan, GSU-ASZ aro AASU baksana gipin dolgittamni dilgiparang, Assam aro Meghalaya a·dokni simarango meligrikna man·jaenggipa biaprangoni Hahim, Gizang, Boklapara aro Khanapara-Pillangkata jolrangona re·ange, songni manderang baksa agangrikeahachim.

A·dok damgnini simarango meligrikna man·jaenggipa dam 12 biaprangoni damdok jolrangkode a·dok damgnian agangrike namatna gita ja·kurangko de·engahachim ine nikna man·a.

spot_img

Related articles

Papon celebrates wife Shweta Mishra’s 50th birthday at 13,000 feet

Mumbai, March 18: Playback singer Papon recently made the 50th birthday celebrations of his wife Shweta Mishra truly...

Land-for-job case: Rabri Devi appears before ED in Patna for grilling

Patna, March 18: Former Bihar Chief Minister, Rabri Devi, appeared at the Enforcement Directorate (ED) office in Patna...

Nagpur violence: Completely premeditated, will not spare culprits, says Dy CM Shinde

Mumbai, March 18: Maharashtra Deputy Chief Minister Eknath Shinde on Tuesday strongly condemned the mob violence in Nagpur...

‘Conspiracy, provocation’, leaders react to Nagpur violence

New Delhi, March 18: The violence in Nagpur has drawn sharp reactions from political leaders across parties. The...