SHILLONG: National Science Day-ko maniani bak gita Meghalaya a·dokni State Council of Science Technology & Environment (SCSTE) aro India sorkarini ning·o donggipa Science & Technology-ni Vigyan Prasar, re·baenggipa February 22 tarikoni 28 tarikona dingtangmancha program-ko Shillong-ni All Saints Hall, IGP aro West Garo Hills a·jani Tura Science Centre-o ong·atenga.
Ia antisana ong·atenggipa program-o Science Book Exhibition, ISRO-ni Exhibition on Wheels, Science & Technology Exhibition, Open Quiz, Extempore Speech, Innovative Ideas Competition, Science & Technology poster-ko mesokani, Science film-rangko mesokani, skie on·ani aro uandakgipa program-rangko ong·atanggen.
Ia antisana ong·atenggipa program-o 2021 bilsini SSLC aro HSSLC porikkao Mathematics aro Science & Technology-o bang·bate mark man·gipa chatro chatrirangna dingtangmancha boksisrangkoba on·angjolgen.
Azadi Ka Amrit Mahotsav aro Meghalaya a·dokni bilsi 50 gapaniko maniani bak gita dingtangmancha ia salo program-koba ong·atangjolgen.
