SHILLONG: Congress-na gadang gadang dake sinjetani sokengon,Congress-ni gitcham MLA Bluebell Sangma, sakgipin Rongjengni Rafius Sangma, Joyson Marak, Rimjeng Marak aro gipinrang State President Ernest Mawrie-ni dongpaanio, BJP dolo napangaha.
BJP-ni koboro parakani gitade, Garo Hills-ko dingtanganiona ra·bana chanchininggipa manderang BJP-kon basetokenga.
“Uamang baksa bakrimgiparangni cha·boke cha·ani aroba GHADC-o so·sojengjeng ong·ani gimin Congress aro gipin party-ni dilgiparang BJP-chi katnaptokenga” ine BJP dilgipa Bernard Marak aganaha.
2023 general election-ode BJP seat-rangko bang·en man·gen ine a·kange aganengon, cha·boke cha·aniko bon·na re·mikkangani, namgipa sorkariko rikani, namroro silroroaniko ra·baani aro kamrangko nakatatna kam ka·anian BJP-ni mongsonggipa nisan ong·a ineba Marak aganaha.
“Re·baenggipa ja-rango aro bang·an BJP-o napangkugen” ineba ua agandapaha.
