SHILLONG: Meghalaya a·dokoba All India Trinamool Congress (AITC)-ni state committee-ko songaha aro ia committee-ko Charles Pyngrope, president ong·e dilanggen.
Ia committee-ni vice president-ranga, James S Lyngdoh, Zenith M Sangma, Shitlang Pale, Marthon M Sangma, HM Shangpliang aro George B Lyngdoh ong·skagen.
General secretary-na Dr Manash Das Gupta aro Mukul Das-ko songaha aro joint secretary-nara Komol Marbaniang aro Jayanta Sen-ko songskaaha.
Re·anggipa bilsio a·dokni gitcham chief minister Dr Mukul Sangma-ni dilanichi, Congress dolni sak 12 MLA-rang, AITC-o napangahachim aro uandaken da·o Meghalaya a·doko AITC-ko bilakatna gita kamrangko ka·engahachim.
Khasi aro Jaintia Hills a·jarango da·o dipet AITC bilakgipa ong·kujaengoba Garo Hills-ode Congress dolni bang·bata dilgiparangan AITC-o napangskaahani gimin adita bilakgipa dol ong·engaha ine nikna man·a.
