TURA: Garo Hills Autonomous District Council (GHADC)-ni gital chief executive membor (CEM) Rakesh Sangma-ko ra·galpilchina gita Garo Hills gimikon dabitokengon, Sombar salo Tura Chitoktak gittimo songdongenggipa manderangba jinma tom·aniko ong·ate, ia gital CEM-ko ra·galchina gita jinma dabiangtokaha.
Chitoktak gittimo songdongenggipa manderangni parakatani gitade, GHADC-ara Tribal-rangni aro mongsongbate A·chik jatni daka rikani aro pilak gam-jinrangko chel·chakna dongimin nokdringsa ong·ani gimin gipin jatni daka rikanio dal·bagipa mandechide sason ka·ako man·na gitade kraani ong·jaenga aro ia gital CEM Rakesh Sangma-ra chonaonin gipin jatni dakbewal rikbewalko ja·rikbagipa mandesa ong·achim.
“Uni gimin chingaba ia gital CEM-ko ra·galpilchina dabianio bakko on·paenga aro uko ra·galpilkujaskal chingaba ku·rang on·aniko dontongkujawa. Gital CEM-ko ra·galpilchina dabidilenggipa NGO-rang, an·chingni mikkango donge A·chik jatni chra-depanterang gita kamko ka·dilengon, an·ching dingtang dingtang A·chik song aro gittimrango songdongenggipa A·chikrangba uamangna bakrimaniko on·pana,” ine Chitoktak jolo songdongenggipa manderang parakataha.
GHADC-ni gital CEM-ko ra·galchina Chitoktak-ni manderangba dabitoka
Date:
Share post:
