TURA: Bristibar salo, a·dokni Chief Minister Conrad K Sangma, South West Garo Hills a·jao self help group (SHG)-rangni mela-ko a·bachengate on·angaha aro ia mela-ko a·bachengate on·anganio Rerapara C&RD Block-ni ning·o donggipa dol 12 village organisation (VO)-rangna gong kror 1.30 tangka paisarangko dakchake on·angan baksana Meghalaya Rural Bank-ni sud grigipa gong lak 50-ni loan-ko SHG-rangna on·angjolaha.
SHG mela-ko a·bachengate on·anganio a·dokni Chief Minister, jinmana aganprakengon, dingtang dingtang program aro scheme-rangchi a·dok sorkari, songni nokni me·chikrangna, game ge·e cha·giparangna aro chadamberangna janggi tangani cholrangko on·na jotton ka·enga aro sorkarini a·bachengatgipa program-rangoni National Rural Livelihood Mission (NRLM)-ni ning·o self help group (SHG)-rangna dakchakaniko on·aniba mingsa ong·a ine parakangaha.
Dingtang dingtang block-ni ning·o donggipa SHG-rangna sorkari, dingtang dingtang cholrangchi tangka paisarangko dakchake on·enga ineba Chief Minister parakataha.
Chief Minister-ni aganani gitade, a·dok gimiko dol 40,000-mangni SHG-rang donga aro ia SHG-rango lak 4-mangni gita me·chikrang bakko ra·e kamrangko ka·tokengani gimin sorkari, ia SHG-rangna gong kror 220 tangka paisarangko dakchake on·aha.
Ia tom·anio ua FOCUS program baksana Piggery Mission, Dairy Mission, Poultry Mission, Aquaculture Mission aro uandakgipa mission-rangni giminba songni nokni manderangna talate on·angaha aro ia mission-rangni namgniko ra·china gita songni nokni manderangko didiangaha.
SWGH a·jani SHG aro VO-rangna tangka paisani gita dakchakaniko on·a
Date:
Share post:
