TURA: Sukrobar salo, 55 Battalion BSF dolni gita Civic Action Program-ko South Garo Hills a·jani Silbari BOP-o ong·atangaha aro ia program-ko ong·atanio songni nokni manderangna indin sanna bananirangkoba on·angjolaha.
Ia medical camp-ko ong·atanio BSF dolni doctor-rang, manderangna indin sanna bananirangko on·angan baksana an·seng baljoke dongna gita agan-ku·pattianirangkoba on·angaha.
Ia program-ko ong·atanio Silbari, Gandhibor, Gasuapara, Pokirkona, Rakhipara, Angratoli, Daluopara, Fakirkona, Telikhali aro uandakgipa dingtang dingtang songrangoni re·bae, namgnirangko man·angaha aro uamangna nangani kri samrangkoba suale on·angaha.
Ia program-ko ong·atanio songni nokni manderangna COVID-19-ni giminba agan-talate on·angaha aro COVID-19-ko chel·chakna gita mask, sanitiser, handwash, glove, vitamin aro gipin bosturangkoba suale on·angaha.
Iandakgipa program-ko ong·ate songni nokni manderangna dakchakanirangko on·ahani gimin songni manderangba BSF dolko mittelpilangaha.
