TURA: Re·anggipa February 22 tarikoni antigimik ong·atanggipa ‘Vigyan Sarvatra Pujyate Festival’ ba Science & Technology Festival-ko Sombar salo, National Science Day-ko manie Tura-ni Science Centre-o matchotataha.
Ia program-ko Meghalaya a·dokni State Council of Science, Technology & Environment (SCSTE) baksana Tura-ni Meghalaya Science Society nangrime ong·atangaha aro ia antigimikna ong·atanggipa festival-o dingtang dingtang Science-ni program-rang, jekai Quiz, Extempore Speech, Slogan sesusaani, Essay sesusaani, Science Model aro uandakgipa program-rangko ong·atangaha, jeon dam 10 skulni chatro chatrirang gisiko nangbee bakko ra·angtokaha.
Ia Science & Technology Festival-ko matchotatani salo, West Garo Hills a·jani Deputy Commissioner Ram Singh, mongsonggipa sokgipa ong·e bakko ra·angaha aro Tura Don Bosco College-ni Principal Fr Bivan Rodriques Mukhim, guest of honour ong·e bakko ra·angskaaha.
Ia program-ko ong·atanio uamang sakgnian chatro chatrirang baksa agangrikengon, JEE, NEET aro uandakgipa competitive exam-rango chu·sokgipa ong·na gita Science, Mathematics aro Technology gita dakgipa subject-rangko gisik nange poraichina didiangaha.
Ia program-ko ong·atanio 2021 bilsini SSLC aro HSSLC porikkao Science & Technology aro Mathematics subject-rango bang·bate mark man·gipa chatro chatrirangnaba mande ra·pilskaaniko dakangjolaha.
Antigimik ong·atanggipa ‘Vigyan Sarvatra Pujyate’ program-ko matchotata
Date:
Share post:
