TURA: Civil Service-ni kamko ka·na sikenggipa chatro chatrirangna, South West Garo Hills District Administration-ni gita dingtangmancha Exam Guidance Session-ko re·baenggipa March-ni 11 tariko Ampati Multi Facility Centre-o ong·atenga.
Ia Exam Guidance Session ba MCS-na porikka seani bidingo skie on·aniko pring 11:00 bajioni attam 1:00 bajiona ong·atenga aro ia session-ko ong·atanio MCS-ni syllabus, prelims, mains aro interview-na ki·taprangko poraiani, time management ba porikkana poraina somoi jakkalani, writing skills ba porikka seani bewalrang aro uandakgipa dingtang dingtang u·i-ma·sie ra·na nanganirangko dingtang dingtang official-rang agan-skie on·anggen.
Graduate ong·gimin pilak chadamberangkon, ia session-ona re·bae skie ra·china gitaba South West Garo Hills a·jani district administration didiataha.
