SHILLONG: Mijal Mongolbar salo, Meghalaya Democratic Alliance (MDA) sorkariko rikaoni bilsibri gapahani gimin bilsibri gapaniko maniani bak gita a·dokni Chief Minister Conrad K Sangma aro gipin minister-rang, dingtang dingtang program aro scheme-rangko a·bachengate on·angaha.
Ia salo, NPP-chi dilenggipa MDA-ni bilsibrina sorkariko chalaianio chu·sokatanggipa dingtang dingtang kamrangni gimin segimin report-ko oprake on·angan baksana dingtang dingtang program-rang, jekai Early Childhood Development program, Maternal Health Helpline ‘14410’, CM-ni Safe Motherhood Scheme, ASHA Payment Gateway, Aspire – 2 aro Skills Meghalaya Program-koba MDA-ni dilgiparang, a·bachengate on·angaha.
MDA sorkarini bilsibri gapaniko U Soso Tham Auditorium-o manianio a·dokni Chief Minister Conrad K Sangma, jinmana aganprakangengon, ia bilsibrina sorkariko chalaianio dingtang dingtang neng·nikani aro ra·bianirangko chagrongna nangahaoba uamang rakbee kamrangko ka·anichi a·doko songdongenggipa manderangna bang·a namgnirangko ra·bana man·aha ine parakangaha.
Songadam nokadamrango songdongenggipa manderangna MDA sorkari, dingtang dingtang namgnirangko ra·bana man·aha ine janapatengon, me·chikrangna tangka paisani gita bilakataniko, nokdangrangna ringani chi aro bijoliko, game ge·e cha·enggipa manderangni namgnina dingtang dingtang program aro scheme-rangko, an·seng baljokaniko on·na kamrangko namdapatna, lekka poraniko namdapatna aro gipin kamrangoba namroro silroroaniko ra·bana man·aha ine Chief Minister parakataha.
Bilsi 10-ni gisepon, Meghalaya a·dokkoba India a·songo nambatsranggipa dam 10 a·dokrangoni damsa ong·atpana gita MDA sorkari, ku·mikchete kamrangko ka·chakataha ineba Chief Minister aganaha.
MDA sorkarini bilsibri gapaniko manianio pilak Cabinet minister-rang aro dingtang dingtang official-rangba dongpae bak ra·angaha.
MDA sorkarini bilsi 4 gapaniko manianio dingtang dingtang program-rangko a·bachengata
Date:
Share post:
