TURA: Poedo serakgipa chadambe Prince SR Marak-ni kadime tarigimin ‘Gisikni Kattarang’ (Chasong Gitalni Poedorang) ki·tapko Mongolbar salo, 1999 bilsio Sahitya Akademi Bhasa Samman Puruskar Award-ko man·gipa Llewellyn R Marak-ni jakchi oprake on·angaha.
Ia ki·tapo ming 45 poedorangko Prince SR Marak, kadime tariahachim.
Ia ki·tapko oprake on·angani somoio Llewelyn R Marak, tom·anio dongpagiparangna aganprakengon, iandake chadamberangni sea jotanio gisik nange bakko ra·enganina an·tangni kusi ong·aniko parakangenba, ki·taprangko aro poedorangko seengon, spelling-rangko ong·e sean baksana seanirangko nambatatchina didiangaha.
Ia ki·tapko oprake on·anio dongpae bakko ra·anggipa gipin manderangara, A·chik Literature Society (ALS)-ni vice president Basan R Marak, general secretary Dr Crystal Cornelious D Marak aro gipinrang ong·a.
