Tura Town HS skulo Women’s Day-ko manianga

TURA: Skigiparangko aro mongsongbate me·chikrangko mande ra·pilskana gita re·anggipa Mongolbar salo, Tura Town Higher Secondary School-oba International Women’s Day-ko maniangaha.
Ia salko manianio, samba jolo donggipa dingtang dingtang skulni headmistress-rangko aro me·chik skigiparangkoba bakko ra·na gita okamataha.
Ia tom·anio Tura Town Higher Secondary School-ni Principal Rajib Deb, jinmana aganprakangengon, songsalo me·chikrangni dangdike on·anirangna mittelpilaniko parakangenba, me·chik aro me·asani gisepo maming dingtanggrikani gri ong·e ra·china sakantikon didiangaha.
Ia salko manianio skulni chatro chatrirang aro skigiparangba ma·manti dakmesokanirangko dakangaha.