Saturday, July 5, 2025
spot_img

Sorkarioni maming dakchakaniko man·jae SGH-o skul damsako chipna nanga

Date:

Share post:

spot_imgspot_img

TURA: 2011 bilsio kuligipa skulko chalaianio sorkarini gita maming dakchakanirangko man·jahani a·sel ia skulko ia bilsio chipna nangao ga·akaha ine kobor on·aha.
Ia skulara South Garo Hills a·jani Halwa Atong jolo donggipa Bul A·kawe Secondary School ong·achim aro ia skulko songni manderang, 2011 bilsini April 5 tariko kulina man·ahachim.
Kobor on·timgiparangni u·iatani gitade, ia skulko kulichengaonin sorkarioni maming dakchakanirangko man·jahani gimin songni manderang an·tangtangsa on·gilame skulko chalaibaahachim indiba indita bilsirangni ja·manoba sorkarini gita maming dakchakanirangko man·jae, ia bilsi dipet ia skulko chipna nangao ga·akaha.
“Ia skulko 2011 bilsio kulie 2012 bilsiode Class IX aro Class X-koba kulina sorkarini permission-ko man·aha aro uandaken da·o dipet ia skulo poraie matric pass ka·anggipa chatrorang sak 12 aro chatrirang sak 7 ong·paahachim. Ia skulna dingtang dingtang MDC aro MLA-rangba adita dakchakanirangkode on·paaha aro songni manderangba an·tangtangan gilkolameba ia skulko chalaibaahachim. Indiba da·o ia skul bilsi 11 ong·pilahaoba sorkarini gita maming grant aro dakchakanirangko man·jae, ia skulko chalaienggipa committee, neng·nikanirangko man·ahani gimin skulko chipna nangao ga·akengaha,” ine songni dilgipa saksa Perickson R Marak, an·tangni suk ong·gijaniko parakataha.

spot_imgspot_img

Related articles

Prime Minister Narendra Modi being greeted by a person dressed as Lord Shiva upon his arrival at Piarco International Airport, in Port of Spain...

Prime Minister Narendra Modi being greeted by a person dressed as Lord Shiva upon his arrival at Piarco International...

Hawkers in distress over new biz timings

By Our Reporter SHILLONG, July 4: After High Court’s directive granting hawkers and street vendors three hours of business...

Indian citizens must not suffer owing to ILP or MRSSA: Hek

By Our Reporter SHILLONG, July 4: Cabinet Minister and BJP legislator Alexander L Hek believes no Indian citizen should...

On-street parking to be charged from August 1

By Our Reporter SHILLONG, July 4: On-street parking will be chargeable on an hourly basis in select localities of...