NONGSTOIN: India Sorkarini Ministry of Information & Broadcasting-ni Field Outreach Bureau, Nongstoin-ni gita, Azadi Ka Amrit Mahotsav aro Covid Appropriate Behaviour-ni bidingo Sonibar salo Mawkhmahwir Dorbar Hall Pyndengrei, Nongstoin-o mingsa Photo Exhibition cum Awareness Campaign ong·atangaha.
Ia programko West Khasi Hills District Nongstoin-ni EAC R Kharkongor MCS do·ga oprake on·aha, jean ia dal·begipa a·songni jakgitelanina dakgipa matgrikrangni on·kangani gimin chadamberangna ma·siate on·aniko dakenba uamangkoba a·songna jatna on·kanggiparang ong·atna gita miksonge indakgipa programrangko ong·atanina Kharkhongor, Outreach Bureau-ko mittelangaha.
Ua indakeba aganaha je an·chingni a·songni jakgitelna dakgrikgiparang an·chingni a·songko a·song gipinni manderangchi sason ka·aoniko jakgitelataha aro India da·ode a·gilsakni bilakgipa a·songrangoni damsa ong·aha. Ia programo, jera ra·ani, quiz aro patriotic dancing competition dakgiparangkoba ong·ataha aro chegiparangna boksisrangkoba on·angaha.
Tom·anio, Delicia E Jyrwa Field Publicity Asst, Field Outreach Bureau, Nongstoin, I Kharmawphlang resource person Outreach Bureau, Rev R Rapthap Asst Principal St. Peter Higher Secondary School, Didimus Nongsiej Rangbah Dong Mawkhmahwir, Dr R Nongsiej MO Civil Hospital, Nongstoin aro J Thongni mangba dingtang dingtang topic-rang bidingo aganangaha.
