SHILLONG: All India Trinamool Congress (AITC)-ni dilgipa Charles Pyngrope, MeghaPower payment gateway ba online gita biljolni tangkako gamon bate tangka ra·ani gimin sorkariko sing·doaha.
“Anga pangnan MePDCL payment-ko online gita ka·ronga, jena gong 5.90 tangkako bate ra·a, indiba gipin payment-rang jekai Google pay, Amazon aro gipinrang gita gamode bate ra·a dongskaja. Reserve Bank of India-ni on·gipa notification-o je e-gateway gita tangka gamaon bate ra·jachina ge·etaha. Uni gimin MePDCL, ia mamlako nirokna nanga aro tangka bate ra·ako dontongna nanga.”
Ia sing·anina aganchakaon Deputy Chief Minister, Power department-ko nirokgipa Prestone Tynsong indine aganaha, “ia portal-ko nirokgipa vendor donga, jena MeECL, transfer ka·a changantina gong 2.50 tangkako gamenga. Aro bate ra·gipa tangkara customer-oniko banking commission-ni ra·gipa ong·a.
MePDCL-oniko manderang tangka gong 5.90 bate game bijoliko brena nangenga, indiba gipin portal-rangde bate tangka ra·ja uni gimi nia mamlako nirokna nanga ine Pyngrope aganaha.
Minggipin NCP chief aro Gambegre MLA, Saleng Sangma, Prestone-ko fix aro energy charge -ni gimin manderangna talate on·china aganaha, jedakode manderang an·tangtangko cha·boka gita chanchijawa.
