SHILLONG: March jani gittamgipa Mongolbar salo manirongenggipa World Social Work Day-ko mijal Mongolbar salo, Shillong songjinmao donggipa Martin Luther Christian University (MLCU)-ba maniangaha.
Ia program-ko ong·atanio Principal Secretary office-ni Media & Communication Officer Shweta Raj Kongwar, Reasons to Believe Asia Pacific-ni Logistic & Promotion Consultant Bishar Hek, Meghalaya Voluntary Health Association-ni Program Manager Iohun Dhar, CPLI-ni Peer Educator Reuben Syiem aro School of Social Work-ni official Ibasaralyn Thabah, dingtang dingtang subject-rangni gimin chatro chatrirangna agan-talate on·angaha.
Pekatgipa samrangko jakkalanichi mai dakgipa namgijaniko mandena ra·bana man·achim aro maikai iani bidingo media aro social media gita manderangna mikrakataniko on·na man·gen, uarangni giminba aganprakgipa manderang, agan-talate on·angaha.
Ia program-ko ong·atanio MLCU-ni ning·o donggipa School of Social Work-ni Acting Dean Dr Marbaniang Syiemlieh-ba dongpae jinmana aganprakengon, drugs ba pekatgipa samrangko jakkalani bidingo chatro chatrirangna mikrakatanirangko on·angaha.
