SHILLONG: All India Trinamool Congress MLA HM Shangpliang, A·doko game ge·e cha·giparangni neng·nikanirangko House-o chanchianiona nakatataha aro game ge·e cha·giparangni namgnina mitampak bosturangna mingsa Minimum support price-ko songchina gita didiangaha.
House-ni zero hour-o chanchianiko nakatatengon, batanggimin bilsion ia MSP-ko songchina gita game cha·giparangna Sorkarina seatahahim ine HM Shangpliang aganaha, indake game cha·gipa uamangni ge·e game man·gipa kobirangko kg-o gong 5 aro bari belatirangko kg-o gong 13-san palenga, jeon uamangni bilsi gimiko duk chake ge·a gamanirangko hisapatode namen komibeenga, ua agandapaha.
Batanggimin bilsirangode a·salni kg-prako gong 450-sanchim indiba da·ode kg-prakon gong 1000-1800 ong·engjok ine suk ong·gija aganan baksa a·salni dam rakani a·sel game cha·giparangna namen neng·ani ong·enga ine aganaha.
