Friday, March 29, 2024
spot_img

GSU Phulbari unit-ni election-ko April 9 tariko ong·atgen

Date:

Share post:

spot_img
spot_img

 

TURA: Garo Students Union (GSU) Phulbari regional unit-ni election-ko ong·atna gita re·anggipa 2021 bilsini November 20 tarikon election commission-ko songmanahaoba election-ko ong·atchenggija ia unit-ni gital dilgiparangko adita salrangna skang songe donanganiara GSU-ni constitution-ko pe·ani gita ong·enga ine commission-ni chief election commissioner Probash D Sangma parakatenba, ia unit-ni gital dilgiparangko niamo seokna gita election-ko re·baenggipa April jani 9 tariko ong·atanggen ine u·iataha.

“Adita salrangna skang, election commission aro chatro chatrirangna maming u·iatani gri, GSU-ni mitam membor-rang, GSU Phulbari regional unit-ni gital dilgiparangko songe central executive committee-ona watataha aro ia bimingrangko GSU-CEC ra·chakangaha. Iandake niam gri songgipa unit-ni gital dilgiparangko ra·chakaniara GSU Constitution-ni Chapter 5 Article B-ni ning·o Election Commission-na on·gimin bilko pe·ani gita ong·aha. Ia unit-ni gital president aro secretary-ko seokna election commission dongani gimin CEC-ni ra·chakgipa Phulbari unit-ni dilgiparangko ra·chakna man·jawa,” ine GSU Phulbari regional unit-ni chief election commissioner parakataha.

Indake ong·engon, GSU Phulbari unit-ni election-ko ong·atna gita nomination-rangko March 21 tarikoni March 25 tarikona ra·chakanggen, nomination-rangko April-ni 2 tariko scrutiny ka·gen, pu·onaniko April-ni 9 tariko ong·atgen aro apsan salon result-ko parakatgen ineba GSU Phulbari unit-ni chief election commissioner parakataha.

Ia election-o GSU Phulbari regional unit-ni president aro secretary-ni kamna susana sikenggipa candidate-rang, skanggipa India a·songo songdongkamgipa ong·na nanggen, A·chik jatonin atchigipa ong·na nanggen, president-ni kamna komibeoba graduate aro secretary-ni kamna Class 12 pass ka·gipa ong·na nanggen, maming ong·gija dakgipa kamrango jak donggipa ong·na nangjawa, office-rango kam ka·gipa ba man·gnirang donggipa ong·na man·jawa aro komibeoba bilsignina GSU-ni membor ong·gimin ong·na nanggen ineba GSU Phulbari regional unit-ni election commission u·iataha.

spot_img
spot_img

Related articles

Students’ union of college in Jowai reminds govt of demands

From Our Correspondent JOWAI, March 28: The Kiang Nangbah Government College Students’ Union on Thursday met Deputy Chief Minister...

Academicians shed light on NEP, bat for awareness dissemination

Curtain comes down on natl conference in NEHU Tura By Our Reporter SHILLONG, March 28: Academicians and experts conglomerated for...

World Watch

Four killed Illinois stabbings Rockford (Illinois), March 28: Four people were killed and seven hurt in stabbings in northern...

POT POURRI

‘Finland is the happiest country in the world’ Lund (Sweden), March 28: (The Conversation) Finland steadily ranks as the...